مهدی عظیمی -ترلان دره‌سی- ترکی معاصر شعر

. . .
. . .
. . .
. . .

آی بولود یور قـانین چکیب اوستونه
بیر قـادین کوچه  نین بئینن آیاقلیر
اؤنونده گـؤررکن گله‌جه‌یینی،
قورخودان دیزچؤکوب کئچمیشی دانیر

سوروردو: -    سیزلرده  آج   قـالدیز می هئچ؟
اؤگئی  یاتاقـلاردا یاتدیز   می گئجه؟
اومودسوز قـالارکن خلوتینیزی –
اؤگئی شهوتلره ساتدیز می گئجه؟

باغیرماسوفیا ! سیل گؤزلرینی
بو اؤگئی قوجاقلارسون علاجین‌دیر!
هامی آنلاییبدیر کیم اولدوغونو
بیلیرسن؟ بو شهردارآغاجین‌دیر!

حیات ساواشی‌دیر، اوزولمه‌ آخی
آزادلیق یاشامین سندن آلیبلار
باشچیسی سئچیلدین بو بوش میدانین
عسگرلر بئینینه توپلانیبدیلار

بیلیرسن سوفیا؟! بو بوش فیکیرلر –
باشقا خیال‌لارا آپاریرمنی
گل اوتور بیر آزجا دانیشاق، آنجاق
بلکه دئیه‌بیلدیم: سئویرم سنی!

آچ ساری ساچ‌لارین، تؤک دیزیم اوسته
منه ماهنی اوخو، من سنه شعر
بیرسئوگی یاراداق اوجا داغ کیمی
اوجا داغ ییخیلماز  -  آتالاردئییر

سس دوشدوکوچه‌ده : الله  اکبر!