من گئتسم،

دئمه باشین ساخـلایانمادی
اولدوزلاری باتدی
تانری بیله سینی ساتدی
کیم کیمه دیر!
دئه اوتاغیندان عتیقه چیخـاردارکن
قورخولو ایلانـلارا سانجیلدی
بیر عیفریته تیلیسمینه راس گلدی
آجی هـاوالار داددی
سونوندا قیزیل آلمـانی تاپدی
دئه آلمانی ساتیب بیز تانیلماز شهره قاچیب
چایـلاریندا چاخیر آخیر
رؤیالارین بیر بارداقدا چکیر باشینا
کئفلی کؤلگه سیندن سیزلری یوخلاییر
سیبلین قارا لککه سینی گولـله له یرک
جنایی پلیس بارماق ایزین بیر قتیل اولایندان تاپیر
قـاچاق دوشور بوتون کوچه لردن
اوچونجو قاتدا بیر کافه یه دالدالانیر
نئچه ایل حکـم چکندن سونرا چوخ دییشیلیر

تانیلمایان بیریسی اولـوب
آنلینا تبریزین شکلینـی دؤیدوروب
تک باشینا ایکی تورک قهوه سی ایستدییینده
آجیغی گلیـر سئوگیدن
داریخمانی گزیر
ارکیدن تهرانا
اورادان کئرملینه
اؤزگـورلوک موجسمه سینده سیندیریر بئرلینده
سیغیشمادی اوتانماغینا
ساتدیغی آلمانی قایتارماغا گئتدی
دئنه تبریزین شاختاسینا دؤزه بیلمدی
هئچ کیم سوراغیمی توتمایاجاق
سـوس
دانیشماماقدا بیر یولدور