منصور خانلو- آجی گولوش‌لر- تلخندها- طنز ترکی
منصور خانلو- آجی گولوش‌لر- تلخندها- طنز ترکی
طنز بایاتیلار و طنز دانیشیقلاردان سئچیلمیش
شیفاهی محاوره‌لر
به‌صدف مانم…
خندم چو مرا درشکنند.
جلال‌الدین محمد بلخی
طنز، آئینه‌ای است که بینندگان چهره‌ی هر کس را در آن می‌بینند، جز چهره‌ی خودشان را.
جاناتان سویفت
– اَلو..؟ داداش، منیم او جریانیم هارا یئتیشیبدی؟
– فعلا رییسین اَلینده‌دی!
***
– جریا‌ن‌نان خبرین وار؟
– اؤتور بابا، یاددان چیخیب گئدیب ایشینه..!
***
- بوتیک‌ده
آرواد: ائله بیل بوْینوما دار گلیر؟
کیشی: هانی اوْ آللاه..!؟
– اوٍره‌ییم دوْلودی.
– حتما جیبین بوْشدی!
***
علوم معلمی: موجود زنده‌نی نه‌ینن تانی‌یرلر؟
شاگیرد: «موجودو» سی‌نن!
***
– بغیشلی‌یین، جنابوزون داروین‌نن نسبتیز وار؟
– نئجه مَیَه؟
– چوخ آتیلیب دوٍشوب، جیغان ویغان سالیرسیز!
***
– سن ائله بیل اهل منطق دَییرسن!
– خئیر، اطرافلی‌یام.
***
– سن مطالعه اهلی‌سن؟
– یوخ داداش، من آیری محله‌ده اوْلارام!
– سنده هئچ عغیل قالمی‌ییب؟
– شرمنده‌یم. یاریم دانا قالمیشدی، اونو دا گئجه اوشاخلار یئدیلر!
***
- بوْشیزم!
– منیم بو دوستوم سحردن آخشاما دانیشیر.
– بوْشلوقداندی. بئینی‌بوْش، اَنگی‌بوْش اوْلار.
***
– سحردن آخشاما گؤزیاشی تؤکورسن، نه خبریندی؟
– قوُرو یاشاماخدان ایش چیخماز. بیر آز حیاتیمی ایسلادیم گؤروم باشیما نه گلیر..!
***
- سنگک صفینده
– پوللاریزی وئرین… سن نئچه دانا ایستیسن؟
– اوٍش دانا.
– سن..؟
– بیر دانا.
– سن..؟
– دانایام!
***
- مَمَدحسن
– نئچه یاشین وار؟
– آتمیش‌بئش.
– سینّ‌نیوَه گؤره یاخچی قالیب‌سان.
– چوخ ممنون.
– یوخ بابا، منظوروم «مَمَدحسن قالیبی»دی!
– دییرلر فلانی چوخ دَرین آدامدی.
– بعلی، چوخ دریندی. بیر دفه آیاغی زوٍیوب گئتمیشدی اؤزونه، آز قالیردی بوْغولسون. آخیرده ایپ گتیریب، چیخارتدیلار!
– هله شوٍکور اونا، ائله‌سی وار «اؤزون‌نن چیخیب» اؤزگه‌سینه گئدیر. اوْ مصیبتدی!
**
- دَری دؤکتورونده
– آدؤکتور، دوٍنن گئجه قوْناق‌یدیم، بوٍیوٍن سحردن آخشاما قاشینیرام!
– نیگران اوْلما، بو داوالاری یئه، آنجاق یوُمورتادی، بامادوْردی، ساریمساخدی، بئله زادلاری یئمزسن.
– آدؤکتور، دئدیخلاریزی تکجه من یئمه‌ییم، یا باجاناغیم دا یئمه‌سین؟!
***
– رژیم لاغری توُتموشام.
– نه‌جور..؟
– اَدا وئرنلرین صیر- صیفتینه باخیرام، اَتلریم تؤکولور..!