یاغیش یوخوسو – جلد اول برگزیده شعرها
فهرست
اورهک ایشیغیندا
اووسونلو سئودالار
سنینله گؤزللشیرم
اؤز ایشیندهدیر دونیا
آرزولار
بیزلییه ساری
اؤزوملو بیزلیک
ایچگی
انسان اولماق ایستهییرم
اؤلمزلشمه
اورهک – اورهیه
سنین جانیندا
آرخایینلیق
یئنه ده
توز – اوز
اؤیونمه
بیر یول اوسته
یاغیش یوخوسو
ایندیلر
میداندا
سئومک
بولانیق باخیش
بیزیمکیلر
او پاییز…
ایستهییرم
بو آخشام
بلکه بیز…
ایچ- ایچه ساریلما
تاپیشیریق
روحوموزون گؤی قورشاغی
من اولمایاجاغام
هارداسان
سسلر
داش- قوش
اؤزگهلشمه
قوشا آچیلان پنجرهلر
دونیامیز
سئودا یولو
حیرتلی حسرتلر
گؤزهللیک ایشیغی
اوزوندهیم
بیر دولایدا
آن دالغالاریندا
یوخولارین یوخوسو
سن و بیرده…
داشان ایشیق!
توت آغاجی
هر بهاردا قارانقوشلار
اوشاقلاشما
آنا لایلاسی
«دونیا» قوجاغیمدا
گونه باخان
بئله دیر دونیانین ایشی
گونشلی یاشیللیقدا
قوشالاشما
اوخویورام سنی
باشقا فصل
سحر چاغریشلی هاوا
یازلاشما
سئونلرین بیری
آیدینلیق
یوبانان سحرلر
سنه ساری
آچیق پنجره
بیلمیرم
مندن قالا انسانلارا
نمونه اشعار
سوزوله – سوزوله کئچیرم فصللرین، ایللرین ایچیندن ساچیمین رنگی، سؤزومون آهنگی- دهییشه- دهییشه ایچیمده ارییب ایتیر زمان. بیر قوم ساعاتی کیمی یاشانیر عؤمور- بو تاییندان او تایینا دوشه- دوشه! گؤزلریمده- گونو – گوندن بؤیویور دونیا حقیقتلر، سیرره دؤنور بیلمهجهلر چوخالیر، اینانجلار اینجهلیر رؤیالار یوزولماییر، آرزولار چین اولماییر… آنجاق اورهک! سئوگییه دولا – دولا دؤیونور دورولا- دورولا بوللورلانیر ایشیق ساچیر. اورهک ایشیغیندا- آیدین گؤرونور منه هرشئی! اورهکله باخیرام- یوللارا، آداملارا باخیرام سنه، اؤزومه باخیرام اولوما اؤلومه و بیرده … ۱۳۸۷
دونیا اؤز ایشیندهدیر: گونش ایشیغی یئر فیرلانیشی انسانین ال- بئیین ایشی زمانین گردیشی. آی- گونشله شافاقلانیر سو- یاغیشلا بولاقلانیر زمان، مکان- گؤزلرله افقلنیر، گونلنیر؛ گونلر، ناخیشلانا- ناخیشلانا فصللنیر، ایللنیر؛ انسانلار-آرزولارلا، عمللرله نسللنیر؛ نسللر- سئوگیلرله نغمهلنیر؛ نغمهلر- اورکلردن – اورکلره کئچه-کئچه قیزیللانیر، گوللنیر. بئله- بئله واراقلانیر پارداخلانیر گؤزللنیر بو دونیا! 1391
قوش اولوب اوچماق ایستهمیرم؛ آزاد اولماق ایستهییرم. چای اولوب آخماق ایستهمیرم؛ قوروب یاراتماق ایستهییرم. اولدوز اولوب ساچماق ایستهمیرم؛ دویغولاری آیدینلاتماق ایستهییرم. نه آغاج، نه داغ، نه آی، نه گونش، نه … هئچ بیری! انسان! انسان اولماق ایستهییرم. ایشیغیلا بو دونیایا باخماق ایستهییرم انسان اولماق ایستهییرم! 1393