آداشیم
قارشیلاشدی اؤلومله :
آچیلا قالدی حیرتدن گؤزلری، آغزی،
اؤلوم قورخوسونون رنگینه بویاندی اوزو!
دوشوندم اؤلومو،
دوشدوندوم گئجه- گوندوزو!
هئی عؤمورداش!
بیز اکیز دوغولدوق.
اکیز دوغولار وارلیقلارین، حیاتیلا اؤلومو،
باخ بودور!
قارا بوشلوغون، یوخلوغون کؤلگهسی سن
چاغلار وارلیغین، آیدینلیغین بلکهسی من!
ای گؤزه گؤرنمزکؤلگهم
سورون آرخامجا، سورون…
یاشایارکن
گؤزلریم سئوگی امهجک وارلیغین دؤشوندن،
اورهییم لچک – لچک سپیلهجک گؤی سولارا؛
ایزلریم ناخیش – ناخیش
ایستکلریم باخیش – باخیش دؤشهنهجک یوللارا.
هله وارکن
اؤلوم یا اولوم- دئیه دوشونمورم؛
سورون آرخامجا
سورون اؤلوم!
1366
